18 October 2007

Engelse Losgemaal: Ons almal soek 'n nuwe geskiedenis

Wat het die Engelse afrigter Brian Ashton en Kitch Christie, die man wat die Bokke vir die 1995-toernooi afgerig het, in gemeen?
Nee, dis nie ’n grap nie, maar ’n vraag wat hierdie week in alle erns in die Britse pers gedebateer is.
The Guardian se Robert Kitson skryf dat Ashton en Christie “ertjies uit dieselfde peul is”.
Hy sê beide Ashton en Christie het die werk as afrigter kort voor die toernooi gekry toe hulle spanne in ’n benarde posisies was.
Soos Ashton was Christie net soveel ’n vader-figuur as ’n afrigter en altwee glo dat suksesvolle spanne die produk van kollektiewe begeerte en innerlike krag moet wees eerder as individuele talent.
’n Bereidwilligheid om van besluit te verander is ook ’n karaktereienskap van beide Ashton en Christie.
Dis nie moeilik om te sien in watter rigting Kitson met dié vergelyking tussen Ashton en Christie beur nie. Beide Ashton en Christie het ’n skepskop-spesialis tot hul beskikking. Beide ’n hardwerkende pak voorspelers en ’n span wat meer is as die som van sy individuele lede.
“Miskien gaan die geskiedenis homself herhaal. Nieu Seeland was 12 jaar gelede selfs groter gunstelinge as wat die Springbokke Saterdag sal wees,” skryf The Guardian.
Waarby ek graag sal wil voeg: Jy’s heeltemal reg mnr. Kitson. Miskien gaan die geskiedenis homself herhaal en gaan die span wat die groen hempies dra met die goue beker onder hul arms huis toe.
Voor dit gebeur is dit egter tyd vir diep asemhaal. Laat staan die opgewondenheid vir eers tot Saterdagaand.
Kom ons kyk liewer wat die Engelse koerante nóg alles sê.
“KICK HIM INTO TOUCH”, skreeu Brittanje se gewildste koerant, The Sun, gister in groot hoofletters op hul voorblad.
Die man wie se alie hul geskop wil hê is egter nie Bryan Habana of Percy Montgomery nie. Dis die Engelse sokkerafrigter Steve McClaren wie se span Woensdagaand teen Rusland verloor het. Die 2-1 loesing wat hulle van die Ruski’s gekry het, beteken dat Engeland se kanse nou byna nul is om vir volgende jaar se Euro-beker te kwalifiseer. En dit is ’n oneindige groter vernedering vir die Engelse psige as wat die 36 punte teen niks wat die Springbokke ’n paar weke gelede teen hul opgestapel het, ooit kan wees.
Volgens The Sun is dit nou net die rugbygode wat ’n teneergedrukte nasie van wanhoop kan red.
Dit laat my dink aan ’n reël uit die Simon and Garfunkel treffer: “Where have you gone, Joe DiMaggio/ Our nation turns it’s lonely eyes to you.”
Maar as dit die Engelse versugting is vir ’n DiMaggio of ’n Wilkinson om hulle weer te laat glo in hulself, waarop hoop Suid-Afrika?
Presies dieselfde natuurlik. Vervang net DiMaggio met Du Preez en Mrs Robinson kan netsowel ons wêreldbekertreffer wees.
Is dit nie eienaardig hoe die boodskappe wat in die pylvak uit beide die Engelse en die Springbok-kamp kom presies dieselfde klink nie?
Volgens die Engelse kaptein Phil Vickery wil hy en sy span “ ’n bietjie van hul eie geskiedenis maak”.
Vergelyk dit met Morné du Plessis se boodskap aan die Bokke aan die begin van die toernooi: Suid-Afrika is moeg vir die beelde van ’n Boeing wat laag oor Ellispark vlieg en Francois Pienaar wat die beker omhoog lig. Die land soek ’n nuwe storie en nuwe helde.
Dalk is The Guardian tog reg en herhaal 1995 homself.
Net soos Vickery soek ons ook ’n nuwe geskiedenis.
* Hierdie rubriek het vir die eerste keer in Beeld en Die Burger verskyn op 19 Oktober 2007

1 comment:

Anonymous said...

proclaimed plenty of people settle his or her's financial products by the due date not to mention devoid of fees and penalties
A leading credit debt charitable trust should expect numerous men and women checking out all of them meant for enable through fast cash advance money owed to make sure you dual that. unsecured debt good cause suggests round used all the short-term, increased attraction financial loans in 2010. Typically the nonprofit reveals three years earlier the volume of individuals with them was initially trivial.
szybkapozyczkaonline.com.pl
kredyty chwilówki wałbrzych
sprawdź ten adres
na tej stronie internetowej
kredyty bez bik

http://pozyczki-prwatne.com.pl
http://pozyczki-prwatne.net.pl
http://pozyczkanadowod24.net.pl