16 January 2006

'n Nuwe Jaar!!??

Nuwejaarsvoorneme nommer een: Leer al die Engelse konings van 1066 tot by Elizabeth II uit my kop uit.
Tweedens: Vind uit waarom die standbeelde van premiers op Parliament Square so signicant is. Winston Churchill is maklik. Abraham Lincoln kan ek raai. Slim Jannie Smuts ondersteun ek heelhartig.
Maar wie de donder was George Grenville en Robert Peel?
My vrou se^ ek is simpel en vervelig. Sy is waarskynlik heeltemal reg, maar hoe kan 'n mens in 'n land bly waarvan jy nie die geskiedenis verstaan nie?
So here goes. Vir iemand wat sukkel om die Britse konings van die twintigste eeu agtermekaar te onthou wag daar 'n harde paar weke agter die boeke.
Die groter prentjie: Ek en my vrou Sonja het vier weke terug in Londen aangekom - die begin van 'n drie jaar kontrak as Londense korrespondent vir Media24 - die Suid-Afrikaanse koerantgroep wat voorheen bekend was as Naspers.
Die uitdaging vir hierdie blog - die derde nuwejaarsvoorneme - is dus 'n irreverent Suid-Afrikaanse kyk op die lewe in Londen. Hopelik net so leesbaar vir die mense by die huis as die Suid-Afrikaners hier in Brittanje.
Hoop ek sien jou weer.

No comments: